सदा बालरूपाऽपि विघ्नाद्रिहन्त्री
महादन्तिवक्त्राऽपि पञ्चास्यमान्या ।
विधीन्द्रादिमृग्या गणेशाभिधा मे
विधत्तां श्रियं काऽपि कल्याणमूर्तिः ॥ १ ॥
न जानामि शब्दं न जनामि चार्थं
न जानामि पद्यं न जानामि गद्यम् ।
चिदेका षडास्या हृदि द्योतते मे
मुखान्निःसरन्ते गिरश्चापि चित्रम् ॥ २ ॥
मयूराधिरूढं महावाक्यगूढं
मनोहारिदेहं महच्चित्तगेहम् ।
महीदेवदेवं महवेदभावं
महादेवबालं भजे लोकपालम् ॥ ३ ॥
यदा संनिधानं गता मानवा मे
भवाम्भोधिपारं गतास्ते तदैव ।
इति व्यञ्जयन्सिन्धुतीरे य आस्ते
तमीडे पवित्रं पराशक्तिपुत्रम् ॥ ४ ॥
यथाब्धेस्तरन्ङ्गा लयं यान्ति तुङ्गा-
स्तथैवापदः सन्निधौ सेवतां मे ।
इतीवोर्मिपंक्तीर्नृणां दर्शयन्तं
सदा भावये हृत्सरोजे गुहं तम् ॥ ५ ॥
गिरौ मन्निवासे नरा येऽधिरूढा-
स्तदा पर्वते राजते तेऽधिरूढाः ।
इतीव ब्रुवन्गन्धशैलाधिरूढः
स देवो मुदे मे सदा षण्मुखोऽस्तु ॥ ६ ॥
महाम्भोधितीरे महापापचोरे
मुनीन्द्रानुकूले सुगन्धाख्यशैले ।
गुहायां वसन्तं स्वभासा लसन्तं
जनार्तिं हरन्तं श्रयामो गुहं तम् ॥ ७ ॥
लसत्स्वर्णगेहे नृणां कामदोहे
सुमस्तोमसंछन्नमाणिक्यमञ्चे ।
समुद्यत्सहस्रार्कतुल्यप्रकाशं
सदा भावये कार्तिकेयं सुरेशम् ॥ ८ ॥
रणद्धंसके मञ्जुलेऽत्यन्तशोणे
मनोहारिलावण्यपीयुषपूर्णे ।
मनःषट्पदो मे भवक्लेशतप्तः
सदा मोदतां स्कन्द ते पादपद्मे ॥ ९ ॥
सुवर्णाभदिव्याम्बरैर्भासमानां
क्वणत्किङ्किणिमेखलाशोभमानाम् ।
लसद्धेमपट्टेन विध्योतमानां
कटिं भावये स्कन्द ते दीप्यमानाम् ॥ १० ॥
पुलिन्देशकन्याघनाभोगतुङ्ग-
स्तनालिङ्गनासक्तकाक्ष्मीररागम् ।
नमस्यामहं तारकारे तवोरः
स्वभक्तावने सर्वदा सानुरागम् ॥ ११ ॥
विधौ क्लृप्तदण्डान् स्वलीलाधृताण्डा-
न्निरस्तेभशुण्डान् द्विषत्कालदण्डान् ।
हतेन्द्रारिषण्डाञ्जगत्राणशौण्डान्
सदा ते प्रचण्डान् श्रये बाहुदण्डान् ॥ १२ ॥
सदा शारदाः षण्मृगाङ्का यदि स्युः
समुद्यन्त एव स्थिताश्चेत्समन्तात् ।
सदा पूर्णबिम्बाः कलङ्कैश्च हीना-
स्तदा त्वन्मुखानां ब्रुवे स्कन्द साम्यम् ॥ १३ ॥
स्फुरन्मन्दहासैः सहंसानि चञ्च-
त्कटाक्षावलीभृङ्गसंघोज्ज्वलानि ।
सुधास्यन्दिबिम्बाधराणीशसूनो
तवालोकये षण्मुखाम्भोरुहाणि ॥ १४ ॥
विशालेषु कर्णान्तदीर्घेष्वजस्त्रं
दयास्यन्दिषु द्वादशस्वीक्षणेषु ।
मयीषत्कटाक्षः सकृत्पातितश्चे-
द्भवेत् ते दयाशील का नाम हानिः ॥ १५ ॥
सुताङ्गोद्भवो मेऽसि जीवेति षड्धा
जपन्मन्त्रमीशो मुदा जिघ्रते यान् ।
जगद्भारभृभ्द्यो जगन्नाथ तेभ्यः
किरीटोज्ज्वलेभ्यो नमो मस्तकेभ्यः ॥ १६ ॥
स्फुरद्रत्नकेयूरहाराभिराम-
क्ष्चलत्कुण्दलश्रीलसद्गण्डभागः ।
कटौ पीतवासः करे चारुशक्तिः
पुरस्तान्ममास्तां पुरारेस्तनूज: ॥ १७ ॥
इहायाहि वत्सेति हस्तान्प्रसार्या-
ह्वयत्यादराच्छ्ङ्करे मातुरङ्कात् ।
समुत्पत्य तातं श्रयन्तं कुमारं
हराक्ष्लिष्टगात्रं भजे बालमूर्तिम् ॥ १८ ॥
कुमारेशसूनो गुह स्कन्द सेना-
पते शक्तिपाणे मयूराधिरूढ ।
पुलिन्दात्मजाकान्त भक्तार्तिहारिन्
प्रभो तारकारे सदा रक्ष मां त्वम् ॥ १९ ॥
प्रशान्तेन्द्रिये नष्टसंज्ञे विचेष्टे
कफोद्गारिवक्त्त्रे भयोत्कम्पिगात्रे ।
प्रयाणोन्मुखे मय्यनाथे तदानीं
द्रुतं मे दयालो भवाग्रे गुह त्वम् ॥ २० ॥
कृतान्तस्य दूतेषु चण्डेषु कोपा-
द्दहच्छिन्द्वि भिन्द्वीति मां तर्जयत्सु ।
मयूरं समारुह्य मा भैरिति त्वं
पुरः शक्तिपाणिर्ममायाहि शीघ्रम् ॥ २१ ॥
प्रणम्यासकृत्पादयोस्ते पतित्वा
प्रसाद्य प्रभो प्रार्थयेऽनेकवारम् ।
न वक्तुं क्षमोऽहं तदानीं कृपाब्धे
न कार्यान्तकाले मनागप्युपेक्षा ॥ २२ ॥
सहस्राण्डभोक्ता त्वया शूरनामा
हतस्तारकः सिंहवक्त्रश्च दैत्यः ।
ममान्तर्हृदिस्थं मनःक्लेशमेकं
न हंसि प्रभो किं करोमि क्वयामि ॥ २३ ॥
अहं सर्वदा दुःखभारावसन्नो
भवान्दीनबन्धुत्वदन्यं न याचे ।
भवद्भक्तिरोधं सदा क्लृप्तबाधं
ममाधिं द्रुतं नाशयोमासुत त्वम् ॥ २४ ॥
अपस्मारकुष्टक्शयार्शः प्रमेह-
ज्वरोन्मादगुल्मादिरोगा महान्तः ।
पिशाचाश्च सर्वे भवत्पत्रभूतिं
विलोक्य क्षणात्तारकारे द्रवन्ते ॥ २५ ॥
दृशि स्कन्दमूर्तिः श्रुतौ स्कन्दकीर्ति-
र्मुखे मे पवित्रं सदा तच्चरित्रम् ।
करे तस्य कृत्यं वपुस्तस्य भृत्यं
गुहे सन्तु लीनाः ममाशेषभावाः ॥ २६ ॥
मुनीनामुताहो नृणां भक्तिभाजा-
मभीष्टप्रदाः सन्ति सर्वत्र देवाः ।
नृणामन्त्यजानामपि स्वार्थदाने
गुहाद्देवमन्यं न जाने न जाने ॥ २७ ॥
कलत्रं सुता बन्धुवर्गः पशुर्वा
नरो वाथ नारी गृहे ये मदीयाः ।
यजन्तो नमन्तः स्तुवन्तो भवन्तं
स्मरन्तश्च ते सन्तु सर्वे कुमार ॥ २८ ॥
मृगाः पक्षिणो दंशका ये च दुष्टा-
स्तथा व्याधयो बाधका ये मदङ्गे ।
भवच्छक्तितीक्ष्णाग्रभिन्नाः सुदूरे
विनश्यन्तु ते चूर्णितक्रौञ्जशैल ॥ २९ ॥
जनित्रि पिता च स्वपुत्रापराधं
सहेते न किं देवसेनाधिनाथ ।
अहं चातिबालो भवान् लोकतातः
क्षमस्वापराधं समस्तं महेश ॥ ३० ॥
नमः केकिने शक्तये चापि तुभ्यं
नमक्ष्छाग तुभ्यं नमः कुक्कुटाय ।
नमः सिन्धवे सिन्धुदेशाय तुभ्यं
पुनः स्कन्दमूर्ते नमस्ते नमोऽस्तु ॥ ३१ ॥
जयानन्दभूमज्जयापारधाम-
ञ्जयामोघकीर्ते जयानन्दमूर्ते ।
जयानन्दसिन्धो जयाशेषबन्धो
जय त्वं सदा मुक्तिदानेशसूनो ॥ ३२ ॥
भुजन्ङ्गाख्यवृत्तेन क्लृप्तं स्थवं यः
पठेद्भक्तियुक्तो गुहं संप्रणम्य ।
सुपुत्रान्कलत्रं धनं दीर्घमायु-
र्लभेत्स्कन्दसायुज्यमन्ते नरः सः ॥ ३३ ॥
sada balaroopapi vighnadrihantri
mahadantivaktrapi panchasyamanya |
vidheendradimrugya ganeshabhidha me
vidhattam shriyam kapi kalyanamurtih || 1 ||
na janami shabdam na janami chartham
na janami padyam na janami gadyam |
chideka shadasya hrudi dyotate me
mukhannihsarante giraschapi chitram || 2 ||
mayuradhiroodham mahavakyagudham
manoharideham mahacchittageham |
mahidevadevam mahavedabhavam
mahadevabalam bhaje lokapalam || 3 ||
yada samnidhanam gata manava me
bhavambhodhiparam gataste tadaiva |
iti vyajjayansindhuteere ya aaste
tameede pavitram parashaktiputram || 4 ||
yathabdhestarangga layam yanti tungga-
stathaivapadah sannidhou sevatam me |
iteevormipamkteernrunam darshayantam
sada bhavaye hrutsaroje guham tam || 5 ||
girou mannivase nara yedhirudha-
stada parvate rajate tedhirudhah |
iteeva bruvangandhashailadhirudhah
sa devo mude me sada shanmukhostu || 6 ||
mahambhodhiteere mahapapachore
muneendranukoole sugandhakhyashaile |
guhayam vasantam svabhasa lasantam
janartim harantam shrayamo guham tam || 7 ||
lasatswarnagehe nrunam kamadohe
sumastomasamchannamanikyamanjche |
samudyatsahasrarkatulyaprakasham
sada bhavaye kartikeyam suresham || 8 ||
ranaddhamsake manjjuletyantashone
manoharilavanyapeeyushapoorne |
manahshatpado me bhavakleshataptah
sada modatam skanda te padapadme || 9 ||
suvarnabhadivyambarairbhasamanaam
kvanatkingkinimekhalashobhamanam |
lasaddhemapattena vidhyotamanam
katim bhavaye skanda te deepyamanam || 10 ||
pulindeshakanyaghanabhogatungga-
stanalingganasaktakakshmeeraragam |
namasyamaham tarakare tavorah
svabhaktavane sarvada sanuragam || 11 ||
vidhou klruptadandan svaleeladhrutanda-
nnirastebhashundan dvishatkaladandan |
hatendrarishandanjjagatranashoundan
sada te prachandan shraye bahudandan || 12 ||
sada sharadah shanmrugangka yadi syuh
samudyanta eva sthitashchetsamantat |
sada poornabimbah kalangkaishcha heena-
stada tvanmukhanam bruve skanda samyam || 13 ||
spuranmandahasaih sahamsani chanjcha-
tkatakshavaleebhrunggasamghojjvalani |
sudhasyandibimbadharaneeshasoono
tavalokaye shanmukhambhoruhani || 14 ||
vishaleshu karnantadeergheshvajastram
dayasyandishu dvadashasveekshaneshu |
mayeeshatkatakshah sakrutpatitashche-
dbhavet te dayasheela ka nama hanih || 15 ||
sutanggodbhavo me si jeeveti shaddha
japanmantrameesho muda jighrate yan |
jagadbharabhrubhdyo jagannatha tebhyah
kireetojjvalebhyo namo mastakebhyah || 16 ||
spuradratnakeyooraharabhirama-
kshchalatkundalashreelasadgandabhagah |
katou peetavasah kare charushaktih
purastanmamastam purarestanooja: || 17 ||
ihayahi vatseti hastanprasarya-
hvayatyadarachcngkare maturangkat |
samutpatya tatam shrayantam kumaram
harakshlishtagatram bhaje balamoortim || 18 ||
kumareshasoono guha skanda sena-
pate shaktipane mayuradhirudha |
pulindatmajakanta bhaktartiharin
prabho tarakare sada raksha mam tvam || 19 ||
prashantendriye nashtasamjnje vicheshte
kaphodgarivakttre bhayotkampigatre |
prayanonmukhe mayyanathe tadaneem
drutam me dayalo bhavagre guha tvam || 20 ||
krutantasya dooteshu chandeshu kopa-
ddahacchindvi bhindveeti mam tarjayatsu |
mayuram samaruhya ma bhairiti tvam
purah shaktipanirmamayahi sheegram || 21 ||
pranamyasakrutpadayoste patitva
prasadya prabho prarthayenekavaram |
na vaktum kshamoham tadaneem krupabdhe
na karyantakale managapyupeksha || 22 ||
sahasrandabhokta tvaya shooranama
hatastarakah simhavaktrashcha daityah |
mamantarhrudistham manahkleshamekam
na hamsi prabho kim karomi kvayami || 23 ||
aham sarvada duhkhabharavasanno
bhavandeenabandhutvadanyam na yache |
bhavadbhaktirodham sada klruptabadham
mamadhim drutam nashayomasuta tvam || 24 ||
apasmarakushtakshayarshah prameha-
jvaronmadagulmadiroga mahantah |
pishachashcha sarve bhavatpatrabhootim
vilokya kshanattarakare dravante || 25 ||
drushi skandamoortih shrutou skandakeerti-
rmukhe me pavitram sada tachcharitram |
kare tasya krutyam vapustasya bhrutyam
guhe santu leenah mamasheshabhavah || 26 ||
muneenamutaho nrunam bhaktibhaja-
mabheeshtapradah santi sarvatra devah |
nrunamantyajanamapi svarthadane
guhaddevamanyam na jane na jane || 27 ||
kalatram suta bandhuvargah pashurva
naro vatha naree gruhe ye madeeyah |
yajanto namantah stuvanto bhavantam
smarantashcha te santu sarve kumara || 28 ||
mrugah pakshino damshaka ye cha dushta-
statha vyadhayo badhaka ye madangge |
bhavacchaktiteekshnagrabhinnah sudoore
vinashyantu te choornitakronjjashaila || 29 ||
janitri pita cha svaputraparadham
sahete na kim devasenadhinatha |
aham chatibalo bhavan lokatatah
kshamasvaparadham samastam mahesha || 30 ||
namah kekine shaktaye chapi tubhyam
namakshchaga tubhyam namah kukkutaya |
namah sindhave sindhudeshaya tubhyam
punah skandamoorte namaste namostu || 31 ||
jayanandabhoomajjayaparadhama-
jjayamoghakeerte jayanandamoorte |
jayanandasindho jayasheshabandho
jaya tvam sada muktidaneshasoono || 32 ||
bhujanggakhyavruttena klruptam sthavam yah
pathedbhaktiyukto guham sampranamya |
suputrankalatram dhanam deerghamayu-
rlabhetskandasayujyamante narah sah || 33 ||
