ॐ ॥ हिर॑ण्यवर्णां हरि॑णीं सुवर्ण॑रजतस्र्॑जाम् ।
च॒न्द्रां हि॒रण्म॑यीं ल॒क्ष्मीं जात॑वेदो म॒ आव॑ह ॥
तां म॒ आव॑ह॒ जात॑वेदो ल॒क्ष्मीमन॑-पगा॒मिनी॓म् ।
यस्यां॒ हिर॑ण्यं वि॒न्देयं॒ गामश्वं॒ पुरु॑षान॒हम् ॥
अश्वपूर्वाम् रथमध्याम् हस्तिनाद प्रबोधिनीम् ।
श्रि॑यं दे॒वीमुप॑ह्वये॒ श्रीर्मा दे॒वीर्जु॑षताम् ॥
कां॒ सो॒स्मि॒तां हिर॑ण्यप्रा॒कारा॑मा॒र्द्रां ज्वल॑न्तीं तृ॒प्तां त॒र्पय॑न्तीम् ।
प॒द्मे॒ स्थि॒तां प॒द्मवर्णां॒ तामि॒होप॑ह्व॒ये श्रियम् ॥
च॒न्द्रां प्र॑भा॒सां य॒शसा॒ ज्वल॑न्तीं॒ श्रिय॑ं लो॒के दे॒वजु॑ष्टामुदा॒राम् ।
तां प॒द्मिनी॑मीं शर॑णम॒हं प्रप॑द्येऽल॒क्ष्मीर्मे॑ नश्यतां॒ त्वां वृ॑णे ॥
आ॒दि॒त्यव॑र्णे॒ तप॒सोऽधि॑जा॒तो वन॒स्पति॒स्तव॑ वृ॒क्षोऽथ बि॒ल्वः ।
तस्य॒ फलानि॒ तप॒सा नु॑दन्तु मा॒यान्त॑रा॒याश्च॑ बा॒ह्या अ॑ल॒क्ष्मीः ॥
उपै॑तु मां दे॑वस॒खः की॒र्तिश्च॒ मणि॑ना स॒ष ।
प्रा॒दु॒र्भू॒तोऽस्मि॑ राष्ट्रे॒ऽस्मिन् की॒र्तिमृ॑द्धिं द॒दातु॑ मे ॥
क्षुत्पि॑पा॒साम॑लां ज्ये॒ष्ठाम॑ल॒क्ष्मीं ना॑शया॒म्यहम् ।
अभू॑ति॒मस॑मृद्धिं॒ च सर्वां॒ निर्णु॑द मे॒ गृहा॑त् ॥
ग॒न्ध॒द्वा॒रां दु॑राध॒र्षां॒ नि॒त्यपु॑ष्टां करी॒षिणी॓म् ।
ई॒श्वरीग्ं॑ सर्व॑भूता॒नां॒ तामि॒होप॑ह्वये॒ श्रियम् ॥
मन॑स॒ः काम॒माकू॑तिम् वा॒चः स॒त्यम॑शीमहि ॥
प॒शू॒नां रू॒पमन्न॑स्य॒ मयि॒ श्री: श्र॑यतां॒ यश॑ः ॥
क॒र्दमे॑न प्र॑जाभू॒ता॒ म॒यि॒ सम्भ॑व क॒र्दम ।
श्रियं॑ वा॒सय॑ मे कु॒ले मा॒तरं॑ पद्म॒मालि॑नीम् ॥
आप॑ः सृ॒जन्तु॑ स्नि॒ग्धा॒नि॒ चि॒क्ली॒त व॑स मे॒ गृहे ।
नि च॑ दे॒वीं मा॒तरं॒ श्रियं॑ वा॒सय॑ मे कु॒ले ।
आ॒र्द्रां पु॒ष्करि॑णीं पु॒ष्टिं॒ सु॒व॒र्णां हे॑ममा॒लिनीम् ।
सू॒र्यां हि॒रण्म॑यीं ल॒क्ष्मीं॒ जात॑वेदो म॒ आव॑ह ॥
आ॒र्द्रां य॒ः करि॑णीं य॒ष्टिं॒ पि॒ङ्ग॒लां प॑द्ममा॒लिनीम् ।
च॒न्द्रां हि॒रण्म॑यीं ल॒क्ष्मीम् जात॑वेदो म॒ आव॑ह ॥
तां म॒ आव॑ह॒ जात॑वेदो ल॒क्ष्मीमन॑पगा॒मिनी॓म् ।
यस्यां॒ हिर॑ण्यं॒ प्रभू॑तं॒ गावो॑ दा॒स्योऽश्वा॓न्, वि॒न्देयं॒ पुरु॑षान॒हम् ॥
यः शुचिः प्रय॑तो भू॒त्वा जु॒हुया॓दाज्य॒ मन्व॑हम् ।
श्रिय॑ः पञ्चद॑शर्चं॒ च श्री॒काम॑ः सत॒तं ज॑पेत् ।
प॒द्मा॒न॒ने प॑द्म ऊ॒रू॒ प॒द्माक्षी॑ पद्म॒संभ॑वे ।
त्वं मा॓ं भ॒जस्व॑ प॒द्मा॒क्षी॒ ये॒न सौ॓ख्यं ल॒भाम्य॑हम् ॥
अश्व॑दा॒यी गो॑दा॒यी॒ ध॒नदा॑यी म॒हाध॑ने ।
धनं मे॒ जुष॑तां दे॒वि॒ स॒र्वका॑मांश्च॒ देहि॑ मे ॥
पुत्रपौ॒त्र ध॑नं धा॒न्यं ह॒स्त्यश्वा॑दिग॒वे र॑थम् ।
प्र॒जा॒नां भ॑वसि मा॒ता आ॒युष्म॑न्तं क॒रोतु॑ माम् ॥
धन॑मग्निर्ध॑नं वा॒युर्ध॑नं॒ सूर्यो॑ धनं वसु॑ः ।
धन॒मिन्द्रो॒ बृह॒स्पति॒र्वरु॑णं धन॒मश्नु॑ ते ॥
वैन॑तेय॒ सोम॑ं पिब॒ सोम॑ं पिबतु वृत्र॒हा ।
सोमं॒ धन॑स्य सो॒मिनो॒ मह्यं॒ ददा॑तु सो॒मिनि॑ ॥
न क्रोधो न च॑ मात्स॒र्यं न॒ लोभो॑ नाशु॒भा म॑तिः ।
भव॑न्ति॒ कृत॑पुण्या॒नां भ॒क्तानां श्रीसू॓क्तं ज॒पेत्स॑दा ॥
वर्ष॑न्तु॒ ते वि॑भाव॒रि॒ दि॒वो अ॑भ्रस्य॒ विद्यु॑त: ।
रोह॑न्तु॒ सर्व॑बी॒जा॒न्य॒व ब्र॑ह्म द्वि॒षो ज॑हि ॥
पद्म॑प्रिये पद्मिनि पद्म॒हस्ते पद्मा॑लये पद्मदलाय॑ताक्षि ।
विश्व॑प्रिये॒ विष्णु मनो॑ऽनुकू॒ले त्वत्पा॑दप॒द्मं मयि॒ सन्नि॑धत्स्व ॥
या सा पद्मा॑सन॒स्था विपुलकटितटी पद्म॒पत्रा॑यता॒क्षी ।
गम्भीरा व॑र्तना॒भिः स्तनभर नमिता शुभ्र वस्त्रो॑त्तरी॒या ॥
लक्ष्मीर्दि॒व्यैर्गजेन्द्रैम॒णिगण खचितै-स्स्नापिता हे॑मकु॒म्भैः ।
नि॒त्यं सा प॑द्मह॒स्ता मम वस॑तु गृ॒हे सर्व॒माङ्गल्य॑युक्ता ॥
ल॒क्ष्मीं क्षीरसमुद्र राजतनयां श्री॒रङ्गधामे॑श्वरीम् ।
दा॒सीभूतसमस्त देव व॒निताम् लो॒कैक॒ दीपा॑ंकुराम् ।
श्रीमन्मन्दकटाक्षलब्ध विभव ब्र॒ह्मेन्द्रगङ्गा॑धराम् ।
त्वां त्रै॒लोक्य॒ कुटु॑म्बिनीं स॒रसिजां वन्दे॒ मुकु॑न्दप्रियाम् ॥
सि॒द्ध॒ल॒क्ष्मीर्मो॑क्षल॒क्ष्मी॒र्ज॒यल॑क्श्मीस्स॒रस्व॑ती ।
श्रीलक्ष्मीर्व॑र ल॒क्ष्मी॒श्च॒ प्र॒सन्ना म॑म स॒र्वदा ।
वरांकुशौ पाशमभी॑तिमु॒द्रां॒ क॒रैर्वहन्तीं क॑मला॒सनस्थाम् ।
बालार्क कोटि प्रति॑भां त्रि॒णे॒त्रां॒ भ॒जेहमाद्यां ज॑गदी॒श्वरीम्॑ त्वाम् ॥
स॒र्व॒म॒ङ्ग॒ल॒मा॒ङ्गल्ये॑ शि॒वे स॒र्वार्थ॑ साधिके। शर॑ण्ये त्र्यम्ब॑के दे॒वि॒ ना॒राय॑णि न॒मोऽस्तु॑ ते ॥
ना॒राय॑णि न॒मोऽस्तु॑ ते ।
ना॒राय॑णि न॒मोऽस्तु॑ ते ॥
सरसिज-निलये सरो॑जह॒स्ते धवलतरांशुक गन्धमा॓ल्यशो॒भे ।
भगवति हरिवल्लभे॑ मनो॒ज्ञे त्रिभुवनभूतिकरि प्र॑सीद म॒ह्यम् ॥
विष्णु॑प॒त्नीं क्ष॑मां दे॒वीं॒ मा॒धवीं माध॒वप्रि॑याम् ।
विष्णो॓ः प्रि॒यस॑खीं दे॒वीं॒ न॒मा॒म्यच्यु॑त-व॒ल्लभाम् ॥
म॒हा॒ल॒क्ष्मी च॑ वि॒द्महे॑ विष्णुप॒त्नी च॑ धीमहि ।
तन्नो॑ लक्ष्मीः प्रचो॒दया॓त् ॥
ॐ शान्ति॒ः शान्ति॒ः शान्ति॓ः ॥
om || hirannya-varnnaam harinniim suvarnna-rajata-srajaam |
chandraam hirannmayiim lakshmiim jaatavedo ma aavaha ||
taam ma aavaha jaatavedo lakshmiim-anapagaaminiim |
yasyaam hirannyam vindeyam gaamashvam purussaan-aham ||
ashva-puurvaam ratha-madhyaam hastinaada-prabodhiniim |
shriyam deviim-upahvaye shriirmaa devii-jussataam ||
kaam so-smitaam hirannya-praakaaraam-aardraam jvalantiim truptaam tarpayantiim |
padme sthitaam padma-varnnaam taami-ho-pahvaye shriyam ||
chandraam prabhaasaam yashasaa jvalantiim shriyam loke deva-jussttaa-mudaaraam |
taam padminii-miim sharanna-maham prapadye-lakshmiir-me nashyataam tvaam vrunne ||
aaditya-varnne tapaso-dhijaato vanaspatis-tava vrukssotha bilvah |
tasya phalaani tapasaa nudantu maaya-antaraayaashca baahyaa alakshmiih ||
upaitu maam deva-sakhah kiirtish-ca manninaa saha |
praadurbhuutosmi raassttresmin kiirtimrddhim dadaatu me ||
kssut-pipaasaa-malaam jyesstthaam-alakssmiim naashayaamy-aham |
abhuutim-asamrddhim ca sarvaam nirnnuda me grhaat ||
gandha-dvaaraam duraadharssaam nitya-pussttaam kariissinniim |
iishvariing sarva-bhuutaanaam taam-iho[a-u]pahvaye shriyam ||
manasah kaamam-aakuutim vaacah satyam-ashiimahi |
pashuunaam ruupam-annasya mayi shriih shrayataam yashah ||
kardamena prajaa-bhuutaa mayi sambhava kardama |
shriyam vaasaya me kule maataram padma-maaliniim ||
aapah srjantu snigdhaani cikliita vasa me grhe |
ni ca deviim maataram shriyam vaasaya me kule ||
aardraam pusskarinniim pussttim suvarnnaam hema-maaliniim |
suuryaam hirannmayiim lakshsmim jaatavedo ma aavaha ||
aardraam yah karinniim yassttim pinggalaam padma-maaliniim |
chandraam hirannmayiim lakshmiim jaatavedo ma aavaha ||
taam ma aavaha jaatavedo lakshmiim-manapagaaminiim |
yasyaam hirannyam prabhuutam gaavo daasyo-shvaan vindeyam puurussaan-aham ||
yah shucih prayato bhuutvaa juhu-yaadaajya-manvaham |
shri-ya pancha-dasharcam cha shriikaamah satatam japet ||
padmaanane padma uuru padmaakshii padmaa-sambhave |
tvam maam bhajasva padmaakshii yena saukhyam labhaam-yaham ||
ashva-daayi go-daayi dhana-daayi mahaa-dhane |
dhanam me jussataam devi sarva-kaamaamshcha dehi me ||
putra-pautra dhanam dhaanyam hastya-shva-digave ratham |
prajaanaam bhavasi maataa aayussmantam karotu maam ||
dhanam-agnir-dhanam vaayur-dhanam suuryo dhanam vasuhu |
dhanam-indro bruhaspatir-varunnam dhanamashnute ||
vainateya somam piba somam pibatu vrutrahaa |
somam dhanasya somino mahyam dadaatu somini ||
na krodho na cha maatsarya na lobho na-shubhaa matih |
bhavanti krta-punnyaanaam bhaktaanaam shriisuuktam japet-sadaa ||
varassantu te vibhaavari divo abhrasya vidyutah |
rohantu sarva-biijaanyava brahma dvisso jahi ||
padma-priye padmini padma-haste padmaalaye padma-dalaayata-akssi |
vishva-priye vissnnu mano-nukuule tvat-paada-padmam mayi sannidhatsva ||
yaa saa padmaasana-sthaa vipula-katti-tattii padma-patraaya-ta-akshii |
gambhiiraa varta-naabhih stanabhara namitaa shubhra vastrottariiyaa ||
lakshmiir-divyair-gajendrair-manni-ganna-khacitais-snaapitaa hema-kumbhaih |
nityam saa padma-hastaa mama vasatu grhe sarva-maanggalya-yuktaa ||
lakshmiim kshiira-samudra raaja-tanayaam shriirangga-dhaameshvariim |
daasii-bhuuta-samasta deva vanitaam lokaika diipaamkuraam |
shriiman-manda-kattaakssa-labdha vibhava brahmendra-ganggaadharaam |
tvaam trai-lokya kuttumbiniim sarasijaam vande mukunda-priyaam ||
siddha-lakshmiir-mokssa-lakshmiir-jaya-lakshmiis-sarasvatii |
shrii-lakshmiir-vara-lakshmiishca prasannaa mama sarvadaa |
vara-angkushau paasham-abhiiti-mudraam karair-vahantiim kamalaasana-sthaam |
baalaarka kotti pratibhaam tri-netraam bhajeham-aadyaam jagad-iisvariim tvaam ||
sarva-manggala-maanggalye shive sarvaartha saadhike |
sharannye tryambake devi naaraayanni namostu te ||
sarasija-nilaye saroja-haste dhavalatara-amshuka gandha-maalya-shobhe |
bhagavati hari-vallabhe manojnye tri-bhuvana-bhuuti-kari prasiida mahyam ||
vissnnu-patniim kshamaam deviim maadhaviim maadhava-priyaam |
vissnnoh priya-sakhiim deviim namaamy-acyuta-vallabhaam ||
mahaalakshmii cha vidmahe vishnnu-patnii cha dhiimahi |
tanno lakshmiih pracodayaat ||
om shantih shantih shantih ||
