स्फुरत्-सहस्रार शिखातितीव्रं
सुदर्शनं भास्करकोटि तुल्यम् ।
सुरद्विषां प्राणविनाशि विष्णोः
चक्रं सदाऽहं शरणं प्रपद्ये ॥ १ ॥
विष्णोर्मुखोत्थानिल पूरितस्य
यस्य ध्वनिर्दानवदर्प-हन्ता ।
तं पाञ्चजन्यं शशिकोटिशुभ्रं
शंखं सदाऽहं शरणं प्रपद्ये ॥ २ ॥
हिरण्मयीं मेरुसमानसारां
कौमोदकीं दैत्यकुलैक-हन्त्रीं ।
वैकुण्ठ-वामाग्र-कराभि मृष्टां
गदां सदाऽहं शरणं प्रपद्ये ॥ ३ ॥
रक्षोसुराणां कठिनोग्र-कण्ठ-
च्छेद-क्षरच्छोणित-दिग्धधारम् ।
तं नन्दकं नाम हरेः प्रदीप्तं
खड्गं सदाऽहं शरणं प्रपद्ये ॥ ४ ॥
यज्ज्या-निनाद-श्रवणात् सुराणां
चेतांसि निर्मुक्त-भयानि सद्यः ।
भवन्ति दैत्याऽशनि बाणवर्षि
शार्ङ्गं सदाऽहं शरणं प्रपद्ये ॥ ५ ॥
इमं हरेः पञ्ज्चमहायुधानां
स्तवं पठोद्योऽनुदिनं प्रभाते ।
समस्तदुःखानि भयानि सद्यः
पापानि नश्यन्ति सुखानि सन्ति ॥ ६ ॥
वने रणे शत्रुजलाग्निमध्ये
यदृच्छ्यापत्सु महा-भयेषु ।
इदं पठंस्तोत्रमनाकुलात्मा
सुखी भवेत्तत्कॄत सर्वरक्षः ॥ ७ ॥
sphurat-sahasraara shikhaatitivram
sudarshanam bhaaskarakoti tulyam |
suradvishaam praanavinaashi vishnoh
chakram sadaaham sharanam prapadye || 1 ||
vishnormukhotthaanila puritasya
yasya dhvanirdaanavadarpa-hantaa |
tam paanchajanyam shashikotishubhram
shamkham sadaaham sharanam prapadye || 2 ||
hiranmayim merusamaanasaaraam
kaumodakim daityakulaika-hantrim |
vaikuntha-vaamaagra-karaabhi mrushtam
gadaam sadaham sharanam prapadye || 3 ||
rakshosuraanaam kathinogra-kantha-
ccheda-ksharacchonita-digdhadhaaram |
tam nandakam naama hareh pradiptam
khadgam sadaaham sharanam prapadye || 4 ||
yajjya-ninaada-sravanaat suraanaam
chetaamsi nirmukta-bhayaani sadyah |
bhavanti daityaashani baanavarshi
shaarnggam sadaaham sharanam prapadye || 5 ||
imam hareh panjchamahaayudhaanaam
stavam pathodyonudinam prabhaate |
samastaduhkhaani bhayaani sadyah
paapaani nashyanti sukhaani santi || 6 ||
vane rane shatrujalaagnimadhye
yadruchchyaapatsu mahaa-bhayeshu |
idam pathamstotramanaakulaatmaa
sukhi bhavettatkruta sarvarakshah || 7 ||
