नमस्तेऽस्तु महामाये श्रीपिठे सुरपूजिते ।
शङ्खचक्रगदाहस्ते महालक्ष्मि नमोऽस्तु ते ॥ १ ॥
नमस्ते गरुडारूढे कोलासुर भयङ्करि ।
सर्वपापहरे देवि महालक्ष्मि नमोऽस्तु ते ॥ २ ॥
सर्वज्ञे सर्ववरदे सर्वदुष्ट भयङ्करि ।
सर्वदुःखहरे देवि महालक्ष्मि नमोऽस्तु ते ॥ ३ ॥
सिद्धिबुद्धिप्रदे देवि भुक्तिमुक्तिप्रदायिनि ।
मन्त्रमूर्ते सदा देवि महालक्ष्मि नमोऽस्तु ते ॥ ४ ॥
आद्यन्तरहिते देवि आदिशक्ति महेश्वरि ।
योगज्ञे योगसम्भूते महालक्ष्मि नमोऽस्तु ते ॥ ५ ॥
स्थूलसूक्ष्ममहारौद्रे महाशक्तिमहोदरे ।
महापापहरे देवि महालक्ष्मि नमोऽस्तु ते ॥ ६ ॥
पद्मासनस्थिते देवि परब्रह्मस्वरूपिणि ।
परमेशि जगन्मातः महालक्ष्मि नमोऽस्तु ते ॥ ७ ॥
श्वेताम्बरधरे देवि नानाऽलङ्कारभूषिते ।
जगत्स्थिते जगन्मातः महालक्ष्मि नमोऽस्तु ते ॥ ८ ॥
फलश्रुति
महालक्ष्म्यष्टकं स्तोत्रं यः पठेद् भक्तिमान्नरः ।
सर्वसिद्धिमवाप्नोति राज्यं प्राप्नोति सर्वदा ॥
एककाले पठेन्नित्यं महापापविनाशनम् ।
द्विकालं यः पठेन्नित्यं धनधान्यसमन्वितः ॥
त्रिकालं यः पठेन्नित्यं महाशत्रुविनाशनम् ।
महालक्ष्मी भवेन्नित्यं प्रसन्ना वरदा शुभा ॥
namastestu mahaamaaye shreepithe surapoojite |
shankhachakragadaahaste mahaalakshmi namostute || 1 ||
namaste garudaaroodhe kolaasura bhayankari |
sarvapaapahare devi mahaalakshmi namostute || 2 ||
sarvagnye sarvavarade sarvadushta bhayankari |
sarvaduhkhahare devi mahaalakshmi namostute || 3 ||
siddhibuddhiprade devi bhuktimuktipradaayini |
mantramoorte sadaa devi mahaalakshmi namostute || 4 ||
aadyantarahite devi aadishakti maheshwari |
yogagnye yogasambhoote mahaalakshmi namostute || 5 ||
sthoolasookshmamahaaroudre mahaashaktimahodare |
mahaapaapahare devi mahaalakshmi namostute || 6 ||
padmaasanasthite devi parabrahmasvaroopini |
parameshi jaganmaatah mahaalakshmi namostute || 7 ||
shvetaambaradhare devi naanaa&lankaarabhooshite |
jagatsthite jaganmaatah mahaalakshmi namostute || 8 ||
Phalashruti
mahaalakshmyashtakam stotram yah pathed bhaktimaannarah |
sarvasiddhimavaapnoti raajyam praapnoti sarvadaa ||
ekakaale pathennityam mahaapaapavinaashanam |
dvikaalam yah pathennityam dhanadhaanyasamanvitah ||
trikaalam yah pathennityam mahaashatruvinaashanam |
mahaalakshmi bhavennityam prasannaa varadaa shubhaa ||
