ब्रह्ममुरारिसुरार्चितलिङ्गं
निर्मलभाषितशोभित लिङ्गम् ।
जन्मजदु:खविनाशकलिङ्गं
तत्प्रणमामि सदाशिवलिङ्गम् ॥ १ ॥
देवमुनिप्रवरार्चितलिङ्गं
कामदहन करुणाकर लिङ्गम् ।
रावणदर्पविनाशक लिङ्गं
तत्प्रणमामि सदाशिवलिङ्गम् ॥ २ ॥
सर्वसुगन्धिसुलेपितलिङ्गं
बुद्धिविवर्धनकारणलिङ्गम् ।
सिद्धसुरासुरवन्दितलिङ्गं
तत्प्रणमामि सदाशिवलिङ्गम् ॥ ३ ॥
कनकमहामणिभूषितलिङ्गं
फणिपतिवेष्टित शोभितलिङ्गम् ।
दक्षसुयग्नविनाशनलिङ्गं
तत्प्रणमामि सदाशिवलिङ्गम् ॥ ४ ॥
कुंकुमचन्दनलेपितलिङ्गं
पङ्कजहारसुशोभितलिङ्गम् ।
सञ्चितपापविनाशनलिङ्गं
तत्प्रणमामि सदाशिवलिङ्गम् ॥ ५ ॥
देवगणार्चितसेवितलिङ्गं
भावैर्भक्तिभिरेव च लिङ्गम् ।
दिनकरकोटिप्रभाकरलिङ्गं
तत्प्रणमामि सदाशिव लिङ्गम् ॥ ६ ॥
अष्टदलोपरिवेष्टितलिङ्गं
सर्वसमुद्भवकारणलिङ्गम् ।
अष्टदरिद्रविनाशकलिङ्गं
तत्प्रणमामि सदाशिवलिङ्गम् ॥ ७ ॥
सुरगुरुसुरवरपूजित लिङ्गं
सुरवनपुष्पसदार्चित लिङ्गम् ।
परात्परं परमात्मक लिङ्गं
तत्प्रणमामि सदाशिवलिङ्गम् ॥ ८ ॥
लिङ्गाष्टकमिदं पुण्यं य: पठेत् शिवसन्निधौ ।
शिवलोकमवाप्नोति शिवेन सह मोदते ॥
brahma-muraari-suraaarchita-linggam nirmala-bhaashita-shobhita-linggam |
janmaja-dukha-vinaashaka-linggam tat pranamaami sadaashiva-linggam || 1 ||
deva-muni-pravara-aarchita-linggam kaama-dahana karunnaa-kara-linggam |
raavanna-darpa-vinaashaka-linggam tat pranamaami sadaashiva-linggam || 2 ||
sarva-sugandhi-sulepita-linggam buddhi-vivardhana-kaaranna-linggam |
siddha-sura-asura-vandita-linggam tat pranamaami sadaashiva-linggam || 3 ||
kanaka-mahaamani-bhushita-linggam phanni-pati-veshttita-shobhita-linggam |
daksha-su-yajnya-vinaashana-linggam tat pranamaami sadaashiva-linggam || 4 ||
kumkuma-chandana-lepita-linggam pankaja-haara-su-shobhita-linggam |
sanchita-paapa-vinaashana-linggam tat pranamaami sadaashiva-linggam || 5 ||
deva-gana-archita-sevita-linggam bhaavair-bhaktibhir-eva cha linggam |
dinakara-koti-prabhaakara-linggam tat pranamaami sadaashiva-linggam || 6 ||
ashta-dalo-pariveshtita-linggam sarva-samudbhava-kaaranna-linggam |
ashta-daridra-vinaashaka-linggam tat pranamaami sadaashiva-linggam || 7 ||
suraguru-suravara-pujita-linggam suravana-pushpa-sada-archita-linggam |
paraatparam paramaatmaka-linggam tat pranamaami sadaashiva-linggam || 8 ||
linggaashtakam-idam punyam yah patthet shiva-sannidhau |
shivalokam-avaapnoti shivena saha modate ||
