शरीरं सुरूपं तथा वा कलत्रं
यशश्चारु चित्रं धनं मेरुतुल्यम् ।
मनश्चेन्न लग्नं गुरोरंघ्रिपद्मे
ततः किं ततः किं ततः किं ततः किम् ॥ १ ॥
कलत्रं धनं पुत्रपौत्रादि सर्वं
गृहं बान्धवाः सर्वमेतद्धि जातम् ।
मनश्चेन्न लग्नं गुरोरंघ्रिपद्मे
ततः किं ततः किं ततः किं ततः किम् ॥ २ ॥
षडङ्गादिवेदा मुखे शास्त्रविद्या
कवित्वादि गद्यं सुपद्यं करोति ।
मनश्चेन्न लग्नं गुरोरंघ्रिपद्मे
ततः किं ततः किं ततः किं ततः किम् ॥ ३ ॥
विदेशेषु मान्यः स्वदेशेषु धन्यः
सदाचारवृत्तेषु मत्तो न चान्यः ।
मनश्चेन्न लग्नं गुरोरंघ्रिपद्मे
ततः किं ततः किं ततः किं ततः किम् ॥ ४ ॥
क्षमामण्डले भूपभूपालवृन्दैः
सदा सेवितं यस्य पादारविन्दम् ।
मनश्चेन्न लग्नं गुरोरंघ्रिपद्मे
ततः किं ततः किं ततः किं ततः किम् ॥ ५ ॥
यशो मे गतं दिक्षु दानप्रतापा-
ज्जगद्वस्तु सर्वं करे यत्प्रसादात् ।
मनश्चेन्न लग्नं गुरोरंघ्रिपद्मे
ततः किं ततः किं ततः किं ततः किम् ॥ ६ ॥
न भोगे न योगे न वा वाजिराजौ
न कान्तामुखे नैव वित्तेषु चित्तम् ।
मनश्चेन्न लग्नं गुरोरंघ्रिपद्मे
ततः किं ततः किं ततः किं ततः किम् ॥ ७ ॥
अरण्ये न वा स्वस्य गेहे न कार्ये
न देहे मनो वर्तते मे त्वनर्ध्ये ।
मनश्चेन्न लग्नं गुरोरंघ्रिपद्मे
ततः किं ततः किं ततः किं ततः किम् ॥ ८ ॥
गुरोरष्टकं यः पठेत्पुण्यदेही
यतिर्भूपतिर्ब्रह्मचारी च गेहि ।
लभेद्वाञ्छितार्थं पदं ब्रह्मसंज्ञं
गुरोरुक्तवाक्ये मनो यस्य लग्नम् ॥ ९ ॥
shareeram suroopam tatha vaa kalatram
yasascharu chitram dhanam meru-tulyam |
manaschena lagnam guro-ranghri-padme
tatah kim tatah kim tatah kim tatah kim || 1 ||
kalatram dhanam putra poutraadi sarvam
gruham bhaandavaah sarva-mettadhi jaatam |
manaschena lagnam guro-ranghri-padme
tatah kim tatah kim tatah kim tatah kim || 2 ||
shadangaadi-vedo mukhe shastra-vidhyaa
kavitva-aadhi gadhyam, supadhyam karoti |
manaschena lagnam guro-ranghri-padme
tatah kim tatah kim tatah kim tatah kim || 3 ||
vidheseshu maanyah swadheseshu dhanyah
sadhaachaara-vrutteshu matto na chaanyah |
manaschena lagnam guro-ranghri-padme
tatah kim tatah kim tatah kim tatah kim || 4 ||
kshamaa-mandale bhupa-bhupaala-vrindaihi
sada sevitam yasya paadaa-ravindam |
manaschena lagnam guro-ranghri-padme
tatah kim tatah kim tatah kim tatah kim || 5 ||
yasho me gatam dikshu daana-prataapaajagadvastu
sarvam kare yatprasaadaath |
manaschena lagnam guro-ranghri-padme
tatah kim tatah kim tatah kim tatah kim || 6 ||
na bhoge na yoghe na vaa vaajiraajou
na kaantaa-mukhe naiva vitteshu chittam |
manaschena lagnam guro-ranghri-padme
tatah kim tatah kim tatah kim tatah kim || 7 ||
aranye na vaa svasya gehe na kaarye
na dehe mano vartate me tvanarghye |
manaschena lagnam guro-ranghri-padme
tatah kim tatah kim tatah kim tatah kim || 8 ||
gurorashtakam yah pathet-punyadehee
yatir-bhupatir-brahmachaari cha gehi |
labhed-vaancitaartham padam brahma-sam-jnyam
guroruktavaakye mano yasya lagnam || 9 ||
