उद्यद्भानुसहस्रकोटिसदृशां केयूरहारोज्ज्वलां ।
बिम्बोष्ठीं स्मितदन्तपङ्कतिरुचिरां पीताम्बरालङ्कृताम् ।
विष्णुब्रह्मसुरेन्द्रसेवितपदां तत्त्वस्वरूपां शिवां ।
मीनाक्षीं प्रणतोऽस्मि सन्ततमहं कारुण्यवारांनिधिम् ॥ १ ॥
मुक्ताहारलसत्किरीटरुचिरां पूर्णेन्दुवक्त्रप्रभां ।
शिञ्जन्नूपुरकिङ्किणीमणिधरां पद्मप्रभाभासुराम् ।
सर्वाभीष्टफलप्रदां गिरिसुतां वाणीरमासेविताम् ।
मीनाक्षीं प्रणतोऽस्मि सन्ततमहं कारुण्यवारांनिधिम् ॥ २ ॥
श्रीविद्यां शिववामभागनिलयां ह्रींकारमन्त्रोज्ज्वलां ।
श्रीचक्राङ्कितबिन्दुमध्यवसतिं श्रीमत्सभानायिकाम् ।
श्रीमत्षण्मुखविघ्नराजजननीं श्रीमज्जगन्मोहिनीम् ।
मीनाक्षीं प्रणतोऽस्मि सन्ततमहं कारुण्यवारांनिधिम् ॥ ३ ॥
श्रीमत्सुन्दरनायिकां भयहरां ज्ञानप्रदां निर्मलां ।
श्यामाभां कमलासनार्चितपदां नारायणस्यानुजाम् ।
वीणावेणुमृदङ्ग वाद्यरसिकां नानाविधामम्बिकाम् ।
मीनाक्षीं प्रणतोऽस्मि सन्ततमहं कारुण्यवारांनिधिम् ॥ ४ ॥
नानायोगिमुनीन्द्रहृत्सुवसतिं नानार्थसिद्धप्रदां ।
नानापुष्पविराजिताङ्घ्रियुगलां नारायणेनार्चिताम् ।
नादब्रह्ममयीं परात्परतरां नानार्थतत्त्वात्मिकाम् ।
मीनाक्षीं प्रणतोऽस्मि सन्ततमहं कारुण्यवारांनिधिम् ॥ ५ ॥
udyath-bhanu-sahasrakoti-sadrusam keyura harojjwalam |
bimboshtim smitha-danthapankthi-ruchiram peetambaralankrutham |
vishnu-brahma-surendra-sevitha-padaam, tatwa-swaroopam shivaam |
meenakshim pranathosmi santhathamaham karunya-vara-nidhim || 1 ||
mukthahara-lasath-kireeta-ruchiram poornendu-vakthra-prabham |
sinchannupura-kinkini-manidaram padmaprabha-basuram |
sarvabheeshta-phaala-pradham giri-sutham, vani-rama-sevitham |
meenakshim pranathosmi santhathamaham karunya-vara-nidhim || 2 ||
sri-vidhyam shiva-vama-bhaga-nilayam hreenkara-mantrojwalam |
sri-chakrankitha-bindu-madhya-vasathim srimath-sabha-nayakeem |
srimath-shanmuga-vignaraja-jananim srimaj-jagan-mohinim |
meenakshim pranathosmi santhathamaham karunya-vara-nidhim || 3 ||
srimath-sundara-nayakim bhaya-haram, jnana-pradham nirmalam |
syamabham kalasanarchitha-padam,narayanas-yaanujam |
veena-venu-mrudanga vadhya-rasikam, nana-vidha-mambikam |
meenakshim pranathosmi santhathamaham karunya-vara-nidhim || 4 ||
nana-yogi-muneendra-hrudsu-vasatheem nanartha-sidhi-pradham |
nana-pushpavirajithangri-yugalam narayane-narchitham |
nada-brahma-mayim parath-para-tharam nanartha-thathwathmikam |
meenakshim pranathosmi santhathamaham karunya-vara-nidhim || 5 ||
